خبر
5/28/2019
 آستان قدس رضوی میں آذری اور اردو زبانوں میں ترجمے کے ساتھ قرآن کریم کی چھپائی کا فیصلہ

 
آستان قدس رضوی میں آذری اور اردو زبانوں میں ترجمے کے ساتھ قرآن کریم کی چھپائی کا فیصلہ

آستان قدس رضوی کے پرینٹنگ اور پبلیشنگ کے ادارے کے سربراہ مسعود فرزانہ نے کہا ہے کہ آذری اور اردو زبان زائرین کے لئے آذری اور اردو زبانوں میں  ترجمے کے ساتھ  قرآن کریم کے نسخوں کی چھپائی کا فیصلہ کیا گیا  ہے 


آستان نیوز کی رپورٹ کے مطابق، آستان قدس رضوی کے پرینٹنگ اور پبلیشنگ کے ادارے کے مینیجنگ ڈائریکٹر مسعود فرزانہ نے کہا کہ بہت بڑی تعداد میں غیر ملکی زائرین ، خصوصا" اردو داں اور آذری زبان بولنے والے زائرین بارگاہ منوّر امام رضا (ع) میں زیارت کے لئے آتے ہیں اور امام ہشتم سے ان کی عقیدت کے اظہار کے موقع پر ان کی ایک اہم ضرورت یہ ہوتی ہے کہ ایسے قرآن بھی انھیں باآسانی دستیابو ہوں جن میں اردو اور آذری زبان میں ترجمہ کی سہولت ہو۔ 

آستان قدس رضوی کے پرینٹنگ اور پبلیشنگ کے ادارے کے مینیجنگ ڈائریکٹر نے  کہا کہ ہمارے مختلف جلسوں میں اس بات کا فیصلہ کیا گیا کہ اردو اور آذری زبانوں ميں قرآن کریم کے ترجموں کی باقاعدہ اجازت لے کران کی چھپائی کا انتظام کیا جائے اور پھر قرآن کریم کے یہ نسخے حرم مطہر امام رضا (ع) کے زائرین کے لئے مہیا کئے جائیں۔ 

انھوں نے کہا کہ اس سے پہلے بھی ہمارے ادارے نے ایسے قرآن چھاپے ہیں جن کا ہندی زبان میں ترجمہ کیا گیا تھا جو ہندی جاننے والے امام رضا (ع) کے زائرین کے لئے مہیا کئے گئے تھے۔  

مسعود فرزانہ نے بتایا : ہمارا یہ بھی ارادہ ہے کہ امام رضا (ع) کے حرم کی زیارت کے لئے آنے غیر ملکی زائرین کی سہولت کے لئے ضرورت کے مطابق قرآن کریم کے ایسے نسخے چھپوا کر حرم میں رکھے جائیں جو ہر علاقے کی ثقافت اور ان کے رسم الخط  سے مطابقت رکھتے ہوں۔
   
وزٹرز کی تعداد:118
 
آپ کی رائے

نظر شما
نام
پست الكترونيک
وب سایت
نظر
...