خبر
4/20/2019
زائرین کے لیے اردو و عربی زبانوں میں   کتابوں اور لٹریچرز کی طباعت

 
زائرین کے لیے اردو و عربی زبانوں میں کتابوں اور لٹریچرز کی طباعت

آستان قدس رضوی پبلیشرز کے مینیجنگ  ڈائریکٹر  حسین سعیدی نے  کہا ہے کہ  اس ادارہ میں زائرین کے لئے لیے ثقافتی سوغات  کے پروگرام میں بنیادی تبدیلی کے منصوبوں کے آغاز میں ، سالانہ 100 قسم  کی مذہبی  کتابيں اور  ثقافتی  تحائف اور سوغات  عربی  اور   اردو     زبانوں میں مہیا  کرائي جائيں گی  

انہوں نے  کہا کہ حضرت امام علی رضا علیہ السلام کے روضہ منورہ کے اکثر زائرین ،  ثقافتی  ومذہبی کتابوں اور سوغات   کی دوکانوں پر  جاتے ہيں   جن میں غیرایرانی اور اردو زبان زائرین کی بھی کافی تعداد ہوتی ہے لہذا ہماری کوشش ہے کہ اپنی  طباعت اور  پروڈیکشن    دوزبانوں عربی اور اردو  زبانوں میں بھی  کریں اور ہمیں   امید ہے  کہ  اسی سال کے ابتدائي تین مہینے میں 50 موضوعات سے زیادہ کتابیں اردو اور عربی زبانوں میں زیو رطبع سے آراستہ ہوکر مارکیٹ میں آجائیں گی۔
آستان قدس رضوی پبلیشرز کے مینیجنگ  ڈائریکٹر  حسین سعیدی نے کہا: زائرین کی معلومات میں اضافہ کی خاطر اس سال  اطلاع رسانی   و انفارمیشن کے معاملات کو سنجیدگی سے لے رہے ہیں  تاکہ  زائرین کا چینی و غیرملکی اشیاء کے مقابلے میں   ایران میں تیار شدہ   اشیا اور مصنوعات  کو خریدنے کا رحجان زیادہ بڑھے ۔ انہوں نے کہا کہ  پروڈیکشن  کی کوالیٹی  اور مناسب قیمت کے ساتھ  ثقافتی و مذہبی  سوغات  کو  زائرین کے لیے مارکیٹ میں پیش کرنا ہمارے جملہ اہداف  میں شامل ہيں  ۔ 

آستان قدس رضوی  کے    بہ نشر  پبلیشرز کے سربراہ  نے مشہد مقدس کے پرہجوم علاقوں اور شہرمیں داخلے کے راستوں پر زائرین کی سہولت کے لئے  ثقافتی و مذہبی سوغات اور  کتابوں کی نئی  دوکانوں  کے افتتاح کی جانب  اشارہ کرتے ہوئے     کہا کہ زائر ثقافتی سوغات کے نام سے   نوروز کے ایام   میں  زائرین کے لیے   ایک دوکان کا مشہد مقدس کے ریلوے اسٹیشن پر افتتاح ہوا اور ہماری کوشش ہے کہ اس سال  اسی طرح کی  ایک دوکان مشہد کے بس ٹرمینل اور   ایک دوکان ایئرپورٹ پر اور بعض دوکانیں شہر کے مختلف مقامات پر کھولی جائيں 

انہوں نے  کہا کہ زائر ثقافتی سوغات کے نام  کا   منصوبہ  اور پروجیکٹ ،حضرت امام علی رضا علیہ السلام کے زائرین  کی سوغات کے پیکج میں ثقافتی اور مذہبی کتابوں اور تحائف  میں اضافے ،  ایرانی صنعتکار وں کی پروڈیکشن کی حمایت  اور رضوی ثقافت کی ترویج اور استحکام  نیز کم آمدنی والے گھرانوں میں گھریلو صنعت اور روزگار  کے مواقع کی فراہمی کے لئے  کے لئےتیار کیا گیا ہے  ۔ انہوں نے کہا کہ  دوہزار سترہ سے  بڑی تعداد میں لوگوں کو زائر ثقافتی سوغات کے پروگرام  اور منصوبے  اور اس سے وابستہ دوکانوں  ، شاپنگ سینٹر اور  بہ پبلیشرز  میں  بھی لگایا گیا ہے ۔ آستان قدس  رضوی پبلیشرز کے مینیجنگ ڈائریکٹر نے کہا کہ ان مراکز اور دوکانوں میں کتابوں ، دیجیٹل کتابوں  ،  ویجویل   شکل میں دعا و عبادت کے متون اور میٹر ،  بچوں کے لئے ثقافتی اور مذہبی گیمز اور  طرح طرح کے اسلامی لباس زائرین اور مجاورین  کو فراہم کئے  جاتے ہيں ۔



   
وزٹرز کی تعداد:187
 
آپ کی رائے

نظر شما
نام
پست الكترونيک
وب سایت
نظر
...