خبر
4/24/2017
آستان قدس رضوی میں غیر ایرانی زائرین کے ادارے کا تعارف

 
آستان قدس رضوی میں غیر ایرانی زائرین کے ادارے کا تعارف

بسم اللہ الرحمن الرحیم
آستان قدس رضوی، زائرین کرام کی خدمت کرتے ہوئے سالوں سال کے تجربے سے اب اس منزل پر ہے کہ آج اس ادارہ کو دنیائے اسلام اور خصوصا ایران کے عظیم ترین ثقافتی ادارہ کے طور پرجانا جاتا ہے۔ اس عظیم ادارے کا اصلی ہدف اور وظیفہ جیسا کہ اس کے آئین نامے میں بھی مذکور ہے،معارف اہل بیت علیہم السلام کی ترویج کے پیش نظر ثقافتی میدانوں میں خدمات انجام دینا ہے ،اور اسی نظریہ کے تحت آستان قد س رضوی اجتماعی و انفرادی طور پر ثقافتی کارنامے انجام دیتا رہتا ہے۔
آستان قد س رضوی کا "  ادارہ زائرین غیرایرانی" مقام معظم رہبری کی فرمائشات اور آستان قدس رضوی کے محترم متولی کے دستورات کو عملی جامہ پہنانے کے لیے اور آستان قدس رضوی کی بیس سالہ خدمات و تجربات کے پیش نظر، اسلامی روابط وتبلیغات کی توسیع کی خاطر غیرایرانی زائرین کی ضرورت کو مدنظر رکھتے ہوئے  اور ان کی معنوی ترقی وکمال کی خاطر ، زائرین کو زیادہ سے زیادہ عبادات میں مصروف  رکھنے کے لیے ، زائرین کے سوالات کے جواب  اور اسلامی تعلیمات و ثقافت کی ترویج و توسیع اوردنیا بھر کے مسلماوں تک  اسلامی انقلاب کے عظیم پیغام کی نشر و اشاعت، اور پوری دنیا میں ان سے مسلسل رابطہ کی خاطر،آستان قدس رضوی کے ادارہ اسلامی روابط و تبلیغات کے ذیلی شعبہ جات میں سے ایک مخصوص شعبہ بنایا گیاہے ۔
غیر ایرانی زائرین اور دنیا بھر سے حضرت امام علی رضا علیہ السلام کے چاہنے والوں اور مسلمانوں کے لیے مذکورذیل صورت میں ثقافتی پروگرام مختلف زبانوں جیسے اردو، انگلش ،عربی اور آذری میں اسی ادارے کے ذریعہ انجام پاتے ہیں۔
غیر ایرانی زائرین کی راہنمائی
آستان قدس رضوی سے وابستہ مراکز و ادارہ جات جیسے مرکزی لائبریری ،متعدد میوزیم،زیارتی ٹورز،غیرمسلم افراد کے لیے سیاحت اور اس علاقہ کا تعارف وغیرہ ادارہ زائرین غیر ایرانی کے پروگراموں میں شامل ہیں۔عرب زبان زائرین   حرم مطہر رضوی کے دارالرحمہ ہال  اور اردو زبان زائرین  کوثر ہال اور انگلش ،روسی و آذری زبان والے زائرین غدیر ہال میں ، ہرطرح کے سوال و جواب حضوری و ٹیلیفون کے ذریعہ ہر طرح کی راہنمائی حاصل کرسکتے ہیں ۔
حلقہ معرفت اور خصوصی مناسبتوں پر پروگرام
ہر روز نماز جماعت کے علاوہ مذہبی شعائر کے احیاء کی خاطر مختلف مناسبتوں میں مجالس و تقاریر کا پروگرام مختلف زبانوں اردو، انگلش،عربی ، جرمنی اور آذری میں منعقد ہوتے رہتے  ہیں۔گرمیوں کے موسم میں عرب زبان زائرین کی کثرت سے آمد پر  ان کے تمام پروگرام  جیسے نماز جماعت و مجالس و تقاریر دارالرحمہ ہال سے صحن غدیر میں منتقل کردیے جاتے ہیں ۔
اعتقادی سوالات و شبہات کے جوابات ، غیرایرانی زائرین کے  لیے اجتماعی و تربیتی مسائل کے جوابات حلقہ معرفت کے عنوان سے علماء دین کے ساتھ بہت ہی محبت اور دوستانہ انداز میں انجام پاتےہیں۔
خواتین کے لیے خصوصی پروگرام ،بچوں اور نوجوانوں کے لیے مخصوص پروگرام وغیرہ بھی اسی سیکشن کے عظیم پروگراموں میں شامل ہیں کہ جو اردو، انگلش، عربی اور آذری زبانوں میں پورے سال منعقد ہوتے رہتے ہیں۔
علمی اور خصوصی کانفرنس ومیٹنگ
بین الاقوامی سطح پر علمی کانفرنس اور خصوصی جلسات و میٹنگس وغیرہ عالم اسلام کے عظیم علماء و دانشوروں کے حضور، ادارہ زائرین غیرایرانی کے خصوصی پروگراموں کا حصہ ہیں۔کہ جو ہمیشہ زائرین کے پسندیدہ پروگرام ہوتے ہیں۔اسلامی بیداری ، شیعوں کے متعلق سوال وشبہات ، ایران کا اسلامی انقلاب اور اسلامی بیداری ، دنیا کے مسلمانوں میں اتحاد اور اسلامی بیداری، امام خمینی کی افکار میں دین و سیاست ، الہی رہبری اور وہابیوں کی رہبری وغیرہ  کے عنوان سے مسلسل کانفرنسز  2014ء سے اب تک جاری ہیں۔
 

 

 
تعلیمی کلاسیں اور ورکشاپ کا انعقاد
پورے سال غیر ایرانی زائرین کے لیے مختلف دینی موضوعات پر ہمیشہ تعلیمی کلاسیں اور ورکشاپ، قرآن کریم کی تعلیم، ترتیل و قرآن میں غوروفکر، تفسیر قرآن، اسلامی معارف و احکام شرعی، اعتقادات، گھریلو مسائل، زیارت کے آداب، سیرت رضوی، اخلاق، نہج البلاغہ اور فارسی زبان سکھانا خصوصا عربی و اردو اور انگلش زبان والوں کے لیے منعقد ہوتے رہتے ہیں۔
سرکاری آفیسروں اور اعزازی و رضارانہ طور پر خادموں کے لیے زائرین کے احترام اور ان کی خدمت کا طریقہ و سلیقہ سکھانا ان کلاسوں کا محور رہتا ہے۔
 

ثقافتی مقابلے و محفل مشاعرہ، اوردل کی آواز بھر خط
زائرین کے قومی اور لسانی لحاظ سے عمر کے دو حصوں کے اعتبار سے ایک بچوں اور جوانوں اور دوسرا بزرگوں کے لیے مختلف دینی موضوعات پر علمی ثقافتی مقابلوں کا انعقاد، اسی طرح حضرت امام علی رضا علیہ السلام  اوراسلامی انقلاب کے موضوع پر محفل مشاعرہ اور اشعار و حکایات وغیر ایرانی زائرین کے یاد رہنے والے واقعات اور دل کی آواز بھرے خطوط کی جمع آوری اس ادارے کی خصوصی مصروفیتوں میں سے ہیں کہ جو رضوی ہنر و ادب کے تحت انجام پاتی ہیں۔
شرعی و اعتقاد ی مسائل کے جوابات
شرعی و اعتقادی  مسائل کے جوابات، احکام کے متعلق چھوٹے چھوٹےمسودوں  کی تالیف، اساتذہ کی ہمفکری کے لیے مٹینگس، غیرا یرانی زائرین کے شرعی مسائل کے جوابات اور اعتقادی سوال و شبہات کی تحلیل  مجرب و ماہر اساتذہ کے حضور مختلف اعتبار سے حرم مطہر رضوی میں انجام پاتے ہیں۔ اعتقادی سوالات کے جوابات کے لیے سوشل میڈیا(inquirires.ir) کی اسی سلسلے میں اسی سال بنیاد رکھی گئی ہے۔
جدید مسلمان ہونے ، کنورڈ ہونے کا پروگرام:
ہر سال دسیوں افراد سیاحت کے طور پر مختلف ممالک  سے حضرت امام علی رضا علیہ السلام کے روضہ منورہ میں مشرف ہوتے ہیں اور یہاں پر آکر معنوی فضا ء اور ماحول سے متاثر ہوکردین اسلام و مذہب شیعہ کو قبل کر لیتے ہیں اور کنورڈ ہوکر حضرت امام علی رضا علیہ السلام کے زائروں میں  شامل ہوجاتے ہیں۔اسلام سے مشرف ہونے کا پروگرام اور اسلام اور مذہب اہل بیت علیہم السلام سے زیادہ سے زیادہ بہتر آشنائی  کے لیے اہل علم افراد سے گفتگو ادارہ غیرایرانی زائرین کا بہت زیادہ سرگرم حصہ ہے ۔
مختلف زبانوں میں ضرورت کے مطابق متون کے ترجمے اور ثفاقتی و تبلیغی آثار کی تالیفات:
تمام پروگراموں اور سرگرمیوں کا علمی مواد، ترجمہ و تالیف مختلف زبانوں میں اور ایک فصلنامہ مجلہ بنام شمس الشموس چارزبانوں میں ، میڈیا، ای بک،مبائل بک، مجالس و تقاریر کو ٹائپ کرنا اور پھر ان کو کتاب و سی ڈی  کی صورت میں پیش کرنا ، آستان قدس رضوی کے ویب سائٹس میں علمی مواد کی تقویت  و پشت پناہی (www.imamrezashrine.aqr.ir) وغیرہ اس ادارے کی اہم ترین سرگرمیوں میں سے ہیں۔ طباعت کے میدان میں آج تک 120 سے زیادہ کتابیں،ای بک، سی ڈی، مبائل بک، مختلف زبانوں میں حضرت امام علی رضا علیہ السلام اور سیرت معصومین علیہم السلام کی ترویج کی محوریت پر تیار کی جاچکی ہیں اور دنیا کی 20 سے زیادہ زبانوں میں ترجمہ کرکے اہل ذوق زائرین کی خدمت میں پیش کی جاتی رہتی ہیں۔
چار زبانوں میں شمس الشموس فصلنامہ
فصلنامہ بنام شمس الشموس ادارہ زائرین غیرایرانی کی جانب سے منتشر ہوتا ہے کہ جس کا 2010ء سے آغاز ہوا ابتداء میں صرف انٹرنیٹ پر الکٹرونک صورت میں پیش کیا جاتا رہا اور پھر زیورطبع سے آراستہ ہونے لگا کہ جو چار زبانوں اردو، انگلش، عربی اور فارسی میں زائرین کی خدمت میں پیش کیا جاتا ہے اس مجلہ کے آٹھ اصلی عناویں حسب ذیل ہیں :
1 - ثقلین، 2- ثقافت و سیرت رضوی، 3- زائر وزیارت، 4- ادیان و مذاہب گفتگو، 5- معاشرہ اور سیاست(بین الاقوامی مسائل کی تحلیل اور تبصرہ، دنیائے اسلام اور دنیائے شیعیت کے حالات، اسلامی انقلاب، حضرت امام خمینی و مقام معظم رہبری کے افکار، حضرت امام علی رضا علیہ السلام کے روضہ منورہ سے متعلق عالمی خبریں اور رپورٹس اور غیرایرانی زائرین کے متعلق اس ادارے کی خصوصی مٹینگس)، 6- حضرت امام علی رضا علیہ السلام کے روضہ منورہ کی سیر(حرم شناسی، آستان قدس رضوی کی سرگرمیوں کا تعارف،حضرت کے روضہ میں مدفون مشہور شخصیتوں کا تعارف، روضہ منورہ کی تعمیرات میں اسلامی ہنر کی تجلی)، 7- رضوی شعر و ادب، 8- انٹرویوز(بین الاقوامی زائرین و شخصیتوں، کنورڈ ہونے والے جدید مسلمانوں، اور حضرت امام علی رضا علیہ السلام کے روضہ میں شفاء پانے والے افراد سے انٹرویوز) اور اسی طرح  آراء و نظریات، علمی مقابلہ، قارئین حضرات کے خطوط اور آخر میں کسی مخصوص دعا کا  ایک حصہ ہر شمارے کے فرعی موضوعات میں شامل ہوتے ہیں۔
بین الاقوامی تحقیقات(ہم فکری و ہم اندیشی تحقیقاتی کانفرسوں کا انعقاد)
بین الاقوامی تحقیقات  پوری دنیا میں مسلمانوں اور شیعوں کے ثقافتی و فکری  جدید ترین حالات کے پیش نظر اور آراء وتجاویز اور نظریات پر تبصرے ، بین الاقوامی تحقیقات پر ہمفکری تاکہ حرم مطہر رضوی ہر میدان میں بہترین اور کلیدی کردار ادا کرسکےاور دنیا بھر کے مسلمانوں اورخصوصا شیعوں کا مرکز و پناہ گاہ قرارپائے ،بین الاقوامی میدان میں اہل نظر حضرات کے نظریات سے استفادہ اور  ادارہ اسلامی روابط و تبلیغات کی بنیادی سرگرمیاں آستان قدس رضوی کے  ادارہ زائرین غیرایرانی کے زیر نظر انجام پاتی ہیں۔
بین الاقوامی روابط(خطوط کے جواب اور دنیا کے گوشہ گوشہ میں ثقافتی پروڈیکسز اور کتابوں کا ارسال کرنا)
ڈاک اور ایمیل کے ذریعہ اہل بیت علیہم السلام کے تشنگان معارف اور مشتاق حضرات  سے رابطہ رکھنا اور دنیائے اسلام میں مسلمان و شیعہ دانشمندوں سے مختلف حیثیت سے رابطہ،حضرت امام علی رضا علیہ السلام کے  زائرین کرام سے رابطہ، خطوط کے جوابات، ایمیل کے جوابات،مخاطبین کے ایڈریسز پر کتابوں کا ارسال کرنا اور ثقافتی پروڈیکسز و ہدایا و تحایف کا ارسال کرنا،اس ادارے کے محققین وہل فن کے ذریعہ ہرروز  انجام پاتا ہے۔
ثقافتی پروڈیکسز اور کتب کو تہیا کرنا
علماء و محققین کا ایک گروہ دنیا کی مختلف زبانوں میں ضرورت کے تحت کتابوں کا ترجمہ کرتا ہے کہ جو پہلے مرحلے میں محققین سے تائید حاصل کی جاتی اور پھر اجازت لے کر وہ کتاب خریدی جاتی ہے ۔اسی طرح زائرین کی ضرورت کو برطرف کرنے کے لیے  ہمارےمحققین بین الاقوامی پبلیشرز اداروں سے رابطہ کرتے ہیں اور ان کی جدید مطبوعات کو دیکھتے ہیں اور جدید کتابوں کی جانچ پڑتال کرتے ہیں۔ثقافتی پروڈیکسز کو پہلے کیفیت و کمیت کے لحاظ سے تحقیق کرکےان تمام پروڈیکسز کو دو اداروں میں تقسیم کیا جاتا ہے ایک ادارہ زائرین غیر ایرانی اور دوسرے اسلامی روبط و تبلیغات۔
آنلائن روابط(رضوی ٹاک کے ذریعہ انٹرنیٹ پر گفتگو)
حضرت امام علی رضا علیہ السلام کے جم غفیر زائرین اور چاہنے والوں سے براہ راست رابطہ، اور رضوی ٹاک کے ذریعہ عربی ، فارسی  و انگلش زبانوں میں  براہ راست مجالس و تقاریر کو نشرکرنا، اعتقاداتی سوالات و شبہات کے جوابات اور اسلامی علوم کے محققین سے براہ راست گفتگو،دینی مناظرے اور اسی طرح  مختلف مناسبتوں پر عربی ، فارسی اور انگلش زبانوں میں ثقافتی و علمی مقابلہ ہر روز روابط و تبلیغات ادارے کے ذریعہ براہ راست انجام پاتے ہیں۔
دانشمندوں سے انٹرویوز
آستان قدس رضوی کے ادارہ زائرین غیرایرانی کی کوشش رہتی ہے کہ اہل بیت علیہم السلام کے مذہب کی ترویج و تبلیغ بین الاقوامی شخصیتوں اور دانشمندوں سے گفتگوکے ذریعہ انجام دی جاتی ہے اور ان حضرات کے لیے یہ مواقع فراہم کیے جاتے ہیں کہ اہل نظر اور صاحبان فکر کے ثقافتی نظریات کو نشر کیا جاسکے۔
   
وزٹرز کی تعداد:259
 
آپ کی رائے
 
امتیاز دهی
 
 

نظر شما
نام
پست الكترونيک
وب سایت
نظر
...